ادق التفاصيل بما يخص التكييفات والتقليصات التي طالت جميع المنهاج بما فيها الكتب المتغيره الجديده للعام الدراسي 2021-2022 للدراسه المنتظمه والخارجي
- اليكم اهم التوضيحات في مناهج ومواد صفوف الدراسه الابتدائيه والمتوسطه والاعدادي , للمنتظمين والمسائي والخارجي للسنة الدراسيه 2021 - 2022 .
- اسئله كثيره تطرح من قبل الطلاب تم تلخيصها وتوضيحها في النقاط ادناه .
توضيح عن تكييف مناهج كافة المراحل لعام 2022
أولًا◾️| تكييف المناهج لكافة المراحل يبقى نفسه مثل تكييف سنة 2021 .
ثانيًا◾️| التكييف اللي يبقى نفسه هو للمواد اللي ما تغيرت، أما المواد الجديدة اللي استحدثتها الوزارة هالسنة فنزلوا بيها تكييف جديد .
ثالثًا◾️| المواد الجديدة المستحدثة هالسنة و اللي تخصك أنتَ كطالب خارجي هي مادة الرياضيات للسادس الابتدائي و مادة الاجتماعيات للثالث المتوسط . تكييفها بالضغط هنا
رابعًا◾️| طلبة الثالث المتوسط هسه مبدئياً و حسب فهمنا لقرار الوزارة مال البارحة انو تكييف مناهجكم هو حسب تكييف مناهج العام، عدا مادة الاجتماعيات لأن الاجتماعيات أصبحت كتابًا واحدًا هذي السنة والوزارة ما نزلت بيها تكييف جديد فحاليًا أمرها ما معروف ..
- لاحظنا كثير من القنوات نزلت تكييف العام الماضي، و منزلين تكييف الجغرافية والتأريخ والوطنية وهذا خطأ لأن هالسنة طالب الثالث ما عنده ٣ كتب بل كتاب واحد اللي هو الاجتماعيات ونفس ما كلتلكم ننتظر الكشف عن تكييفها من قِبل الوزارة .. كما مبين بالملاحظه المذكوره من خلال الضغط هنا
- و شغلة ثانية بخصوص تكييف مناهج الثالث، بالنسبة للفيزياء والأحياء والإسلامية طلاب هذي المواد هي حسب تكييف العام الماضي يعني ما محذوفة، لأن العام الماضي انحذفت أثناء الدوام مو قبل الدوام فانتبهوا لهذي الفقرة ..
الملخص هسه طالب الثالث يدرس ( إسلامية، عربي، إنكليزي، رياضيات، أحياء، فيزياء، كيمياء ) والاجتماعيات ننتظر توضيح بخصوصها ..
خامسًا◾️| بالنسبة لمادة الاسلامية للسادس الاعدادي كذلك العام الماضي تم تعليقها أثناء الدوام، يعني في بداية السنة نزلت الوزارة تكييف مادة الإسلامية حالها حال المواد الأخرى ..
الملخص و حسب قرار الوزارة لليلة البارحة فإنَّ مادة الإسلامية موجودة حالياً و حسب تكييف العام الماضي .
سادسًا◾️| سؤالكم الشهير: هل التكييف يشمل طلبة الخارجي في الامتحان التمهيدي ؟؟ نعم أكيد يشملهم في التمهيدي والوزاري أيضًا
قسم الحذوفات اضغط هنا
هذا الموقع تابع لمدونة اتعلم ويانه بشكل رسمي وكل ما ينشر في الموقع يخضع للمراقبة وموقع اتعلم ويانه غير مسؤول عن التعليقات على المواضيع كل شخص مسؤول عن نفسه عند كتابة التعليق بحيث لا يتحمل موقع اتعلم ويانه لــ ..هند القيسي اي مسؤولية قانونية حيال ذلك . تمنياتي لكم الموفقيه والنجاح
تفاصيل وتوضيحات حول الحذوفات والتقليصات لكل مواد الصفوف من الاول الابتدائي الى السادس الاعدادي لعام 2022 والاجابه على كل الاسئله المهمه بما يخص طلاب المنظمين الصباحي والمسائي وطلبة الخارجي .