ليش ماعندك واهس بالدراسه؟ وشنو السبب والحل ؟ كل هذا موجود بهاي المقاله
اغلبنا من نريد نقره لو نشتغل لو نسوي اي شي من الالتزامات نمل او نكول "ماكو واهس" بس شنو السبب؟ كل هذا يندرج تحت شغله اسمها الدوبامين , هي العامل الرئيسي للأنضباط و لل"واهس"
اهلا بكم بمدونة "اتعلم ويانه" للشروحات والمقالات
شنو هو الدوبامين؟
الدوبامين هو هرمون موجود بالعقل يحفز الانسان حتى يسوي شي وهو اليخلي الانسان يحس بأحساس الونسه والسعاده والخ , على سبيل المثال اذا ردت تروح تلعب فد لعبه راح ينفرز دوبامين اكثر من ما راح ينفرز من تريد تقره
ف هنا هي مشكلتنه الاساسيه
هي كميه الدوبامين
لهذا انت من تروح تلعب انت فرزت كمية دوبامين عاليه ف عقلك بعد ميريد يقره لان يكلك شسوي بالقرايه وهي تنطيني دوبامين قليل "ماكو واهس"
وهم كذلك راح يزيد التشتت عندك في حال جنت تلعب وتقره او جان الموبايل يمك لان الدوبامين من هذه المصادر يزيد التشتت
الحل شنو؟
الحل ان تقلل من مصادر الدوبامين وتعرف شنو هي مصادره
هذي الاشياء راح تقلل عندك الدوبامين وراح تخلي عقلك يحب الدراسه لان يكوم يتقبل الدوبامين القليل مال دراسه
ف مثلا اذا تركت اللعب انت هنا قللت الدوبامين وخليت عقلك ما يفرز , واذا ضليت يوميه هيج حارم عقلك من اللعب ومصادر المتعه هنا راح يكوم عقلك يحب الدراسه بشكل فضيع
ومن المميزات الراح تصير عندك من تسيطر ع مستوى الدوبامين هو القابليه العاليه للدراسه بساعات عاليه مثل 8 ساعات وهكذا
ماهي مصادر الدوبامين ؟
الاكل السريع , وكذلك السكريات بشكل عام
الالعاب
الاغاني
مواقع التواصل الاجتماعي
المخدرات
وغيرها من المصادر السيئه
كل هذي المصادر اذا تم تركها راح يتحسن عقلك ويكوم يحب الدراسه
وتكدر تبدل هذي المصادر بمصادر دوبامين افضل مثل الرياضه وغيرها
كل هذا تكدر تبحث عليه بشكل مفصل اكثر عن طريق مصادر بالانترنت
شرح مفصل من خلال اليوتيوب اضعط هنا
